Мутшо ден семже палыдыме «Йӧратыме рвезе». Галина Почелина мура.
Эҥер сер аркаште сирень пеледеш,
Изи чоныштемже чевер вӱр модеш.
Йӧратыме рвезе, кӧ гын тый улат?
Пӱрымӧ таҥет дек кунам тый толат?
Йӧратыме рвезе, кӧ гын тый улат?
Пӱрымӧ таҥет дек кунам тый толат?
Лектам куэрлашке – куку муралта,
Куку муро мыйын чонем йӱлалта.
Ой, таҥем, молан гын тый уке улат?
Тол кычалын мыйым, пиалан лият.
Ошкылам вӱд сер ден, тыйымак вучем,
Эх, могай сай ыле каяш кид кучен.
Молан пиалемже мыйын пеш шагал?
Молан воктекемже толын от шогал?
Молан пиалемже мыйын пеш шагал?
Молан воктекемже толын от шогал?
Кас рӱмбалге дене памаш дек волем,
Вӱдварам ӧндалын, шып шонен шогем.
Молан от тол, каче, ой, шӱмем, чонем,
Ала таҥет весе, мый арам вучем?
Эҥер сер аркаште сирень пеледеш,
Изи чоныштемже чевер вӱр модеш.
Молан от тол, каче, ой, шӱмем, чонем?
Ала таҥет весе, мый арам вучем?
Молан от тол, каче, ой, шӱмем, чонем?
Ала таҥет весе, мый арам вучем?
MariUver