Мутшо Вячеслав Абукаев-Эмгакын, семже Валерий Кульшетовын. Иван Смирнов ден Светлана Осипова-Шос мурат.
Кас каваште мужыр шӱдыр
Чинче семын волгалтеш.
Каче кӱдынь мотор ӱдыр
Кас кавам ончен коштеш.
Каче кӱдынь мотор ӱдыр
Кас кавам ончен коштеш.
Каче мане: шӱдыр семын
Мыйынат шӱмем чӱчка.
Кумылем пиал ден темын,
Йӧратен илаш кӱшта.
Кумылем пиал ден темын,
Йӧратен илаш кӱшта.
Ӱдыр мане эр шумеке,
Шӱдыр тулжым йомдара.
Коштына ме волгалтмешке,
Можыч, йӧршынат арам?
Коштына ме волгалтмешке,
Можыч, йӧршынат арам?
– Ой, уке, – вашештыш каче,
– Пыл ок лий гын, тый ужат.
Вес кастен, шичмеке кече,
Адакат толеш ты жап.
Вес кастен, шичмеке кече,
Адакат толеш ты жап.
Ӱдыр вуйым савыш порын,
Качын шыргыжеш шинча.
Мӱндыр-мӱндыр шӱдыргорно
Чинче ярымжым ронча.
Мӱндыр-мӱндыр шӱдыргорно
Чинче ярымжым ронча.
Шокшо кумылан кок шӱмым
Пыл огеш керт шойыштен.
Каче шӱмым, ӱдыр шӱмым,
Мужыр шӱдыр ваш ыштен.
Каче шӱмым, ӱдыр шӱмым,
Мужыр шӱдыр ваш ыштен.
Кас каваште мужыр шӱдыр
Чинче семын волгалтеш.
Каче кӱдынь мотор ӱдыр
Илышым кылдаш тоштеш.
Каче кӱдынь мотор ӱдыр
Илышым кылдаш тоштеш.