Светлана Ягулбаева «Йога эҥер»

Svetlöana_Jagulbajeva

Мутшо А.Букетов-Сайнын, семже В.Тихоновын «Йога эҥер». Светлана Ягулбаева мура.

Йога эҥер, кумдан шарлен да талын,
Вӱд гочын серышт ваш ончен шогат.
От кертыс тудым тый ласкан вончалын,
Тыгаяк чылт йӧратымаш улат.
От кертыс тудым тый ласкан вончалын,
Тыгаяк чылт йӧратымаш улат.

Идалык-влак эртат, шӱмнам тергалын,
Чӱчка чатка сӱанла пиална.
Жап дене кидым ӱмырлан кучалын,
Ме илыш корнынам виктарена.
Жап дене кидым ӱмырлан кучалын,
Ме илыш корнынам виктарена.

Йогалже тудо ямле муро семын,
Тек тиде вийым кажныже шижеш.
Йӧратымаш вет сылнешта айдемым,
Ару шижмаш яндар южлак кӱлеш.
Йӧратымаш вет сылнешта айдемым,
Ару шижмаш яндар южлак кӱлеш.

MariUver

1 Comment

Filed under Аудио, музыка

One response to “Светлана Ягулбаева «Йога эҥер»

  1. Пеш сай МАРИЙ МУРО

    Мутшат, семжат да мурымыжт чыла МАРЛА да марий муро йӱла кышкарыште!

Добавить комментарий