Игорь Антропов «Чеверем, моторем»

Igor_Antropov

Мутшо Геннадий Сабанцев-Оярын, семже Сергей Милютинын «Чеверем, моторем». Игорь Антропов мура.

Шем ӱпетым шерын колто
Ваче гочет толкын гай.
Тора корно ман(ын) ит ончо,
Ужмем шуын, толын кай.

Эх, мемнам, моторем,
Ойыра пасу, корем.
Таче тыйым ом уж гынже,
Товатат, шортеш чонем.

Эх, мемнам, моторем,
Ойыра пасу, корем.
Таче тыйым ом уж гынже,
Товатат, шортеш чонем.

Шем ӱпетым ловыкталын,
Модылда йорга мардеж.
Ой, кузе, чот чон йӱлалын,
Лай мардеж лиймем шуэш.

Эх, чонем, моторем,
Вашлиям да куанем.
Миен ойлаш ӧрмалгем да,
Шкаланем шкеак сырем.

Эх, чонем, моторем,
Вашлиям да куанем.
Миен ойлаш ӧрмалгем да,
Шкаланем адак сырем.

Ӱпышкетше ош тасмажым
Мо пеш моштен кылденат?
Чонышкемже чон пашматым
Ӱмырешлан пыштенат.

Эх, чевер моторем,
Илаш ок кӱл ойгырен.
Лӱмешетше муралтем да,
Шергылтеш тӱня урем.

Эх, чевер моторем,
Илаш ок кӱл ойгырен.
Лӱмешетше муралтем да,
Шергылтеш тӱня урем.

1 Comment

Filed under Аудио, Песни

One response to “Игорь Антропов «Чеверем, моторем»

  1. Аноним

    Хорошо. С уважением, Андрей.

Добавить комментарий