Мутшо Миклай Казаковын, семже Дмитрий Кульшетовын «Шӱшпыклан келшен гын». Лидия Павлова мура.
Шӱшпыклан келша гын тиде сылне сад,
Ойыраш огеш лий тудым садыгак.
Умыр кас шумеке, толын вӱд воктеке,
Шӱшкалта сар шӱшпык сылнын адакат.
Умыр кас шумеке, толын вӱд воктеке,
Шӱшкалта сар шӱшпык сылнын адакат.
Каче йӧратен гын ӱдырым чеверым,
Нунылан огеш кӱл мешаен илаш.
Муыт нуно верым, муыт нуно жапым,
Садыгак вашлийыт коктын адакат.
Муыт нуно верым, муыт нуно жапым,
Садыгак вашлийыт коктын адакат.
Арама воктене умыр шып кастене
Рвезе чоным почын мутланат ласкан.
А тушечын шӱшпык уло кумыл дене
Йӧраталме семжым шӱшка нунылан.
А тушечын шӱшпык уло кумыл дене
Йӧраталме семжым шӱшка нунылан.
А тушечын шӱшпык уло кумыл дене
Йӧраталме семжым шӱшка нунылан.