MariUver

Игорь Антропов «Шошо сем»


Мутшо Анатолий Мокеевын, семже Евгений Анисимовын «Шошо сем». Игорь Антропов мура.

Игорь Антропов "Шошо сем" by Mari Uver

Ончо: ломбо пеледеш
Садыштем.
Тыйымак ужмем шуэш,
Мом ыштем?

Лек, тый, лек, тый, шӱмбелем,
Сад-пакчаш.
Тылзе ок керт вет чоген,
Мом лӱдаш?

Шинчына ломбер йымак
Ӧндалалт, ӧндалалт.
Ойлышаш лыжга шомак
Ок мондалт.
Шинчына ломбер йымак
Ӧндалалт, ӧндалалт.
Ойлышаш лыжга шомак
Ок мондалт.

Шупшалаш чонем йодеш
Ит кораҥ.
Ломбо укш гычын велеш
Лум поран.

Шинчена пырля тыге,
Чон руштмеш.
Мыйынак лият, таҥем,
Курымеш.

Шинчына ломбер йымак
Ӧндалалт, ӧндалалт.
Ойлышаш лыжга шомак
Ок мондалт.
Шинчына ломбер йымак
Ӧндалалт, ӧндалалт.
Ойлышаш лыжга шомак
Ок мондалт.

Угыч ломбо пеледеш
Садыштем.
Адакат вӱрем модеш,
Мом ыштем?
Адакат вӱрем модеш,
Йӧратем!

Exit mobile version