MariUver

Иван Смирнов «Йӧратем Марий Элем» (+МУРЫН МУТШО)

Мутшо Христина Александрован, семже Михаил Смирновын «Йӧратем, Марий Элем». Иван Смирнов мура.

Иван Смирнов "Йӧратем Марий Элем" by Mari Uver

Шерге пеш тыгае вер,
Кушто мые шочынам.
Тыште родо, шочмо пӧрт,
Сылне, лишыл чылажат.
Курык, ер да чодыра,
Шӱвыр сем ден чон ыра.
Йӧсӧ мыланем шӱлаш,
Тарванем кунам тораш.
Унала тендам ӱжам
Вашлияш эр ӱжарам.
Тыште сылне шӱшпык йӱк,
Эн яндар памашын вӱд.
Тыште тамле ломбо пуш,
Ынем кай тышеч нигуш.
Пӧлеклем мурем тылат.
Шочмо эл, шонем, колат?

Йӧратем, Марий Элем,
Памашем, ерем, нурем,
Чодырам, ший эҥерлам,
Садерлам да уремлам.
Икте кажнын шочмо вер,
Икте веле Марий Эл!
Икте кажнын Шочмо эл,
Икте веле Марий Эл!

Йӧратем, Марий Элем,
Памашем, ерем, нурем,
Чодырам, ший эҥерлам,
Садерлам да уремлам.
Икте кажнын шочмо вер,
Икте веле Марий Эл!
Икте кажнын Шочмо эл,
Икте веле Марий Эл!

Каенат, йолташ, тораш,
Тый ит мондо пӧртылаш.
Сылнырак уке тетла
Олала, ялла, элла.
Тыште кутырат марла,
Тыште муралтат пырля.
Пеледеш марий висвис,
Тыште чылт марий пӱртӱс.
Ӱнарем чаманыде,
Тыйын верч чыла ыштем.
Куш, тӱзлане, пеледалт,
Иле, шӱдырла волгалт.
Лийже тынысле кава,
Лийже пиалан ава!
Ынже пале ньогана,
Мо тыгай осал война!

Йӧратем, Марий Элем,
Памашем, ерем, нурем,
Чодырам, ший эҥерлам,
Садерлам да уремлам.
Икте кажнын шочмо вер,
Икте веле Марий Эл!
Икте кажнын Шочмо эл,
Икте веле Марий Эл!

Йӧратем, Марий Элем,
Памашем, ерем, нурем,
Чодырам, ший эҥерлам,
Садерлам да уремлам.
Икте кажнын шочмо вер,
Икте веле Марий Эл!
Икте кажнын Шочмо эл,
Икте веле Марий Эл!

Икте кажнын шочмо вер,
Икте веле Марий Эл!
Икте кажнын Шочмо эл,
Икте веле Марий Эл!

MariUver

mp3 файл из сайта audio-vk4.ru

Exit mobile version