Васли Ольош “Оласе ӱдыр”

Мутшо да семже Алексей Ибулаевын /
Слова и музыка Алексея Ибулаева
Васли Ольош мура / Поет Васли Ольош

Чодыра воктене, корнышто,
Тый, ӱдыр, мом шогет?
Копаште ӱпым кормыжтен,
Кӧлан гын шыргыжмет?
Ончал, могай пушеҥге-влак
Сорта гай йытыра.
Тыгане шуко ӱдыр-влак,
Но тые моторрак!
Тыгане шуко ӱдыр-влак,
Но тые моторрак!

Вашештыш ӱдыр куанен:
«Ой, тау, палыдымем!
Мокталме мутым кольым, да
Чылт кушко шулдырем.
Каем ковай дек ялышке –
Чонем ӱжеш, вашка.
Олаште такшым мый илем,
Но ялыште ласка!
Олаште такшым мый илем,
Но ялыште ласка!»

А кеҥеж кече куанен,
Тӱсет тудлан келша.
Каваште пылым пастырен,
Мардежат лыплана.
Таклан вет огыл чуриет
Кеҥежым араван.
Ойла каваште турият –
Улат кеҥеж сынан!
Ойла каваште турият –
Улат кеҥеж сынан!

Чодыра воктенысе корно ден
Уэш каяш пернен.
Уэш вашлийым ӱдыр ден –
Ала чынак пӱрен?
Ончале, палыш, шыргыже,
Чарнен мутланышна.
Да корнынам умбакыже
Пырля ме шуйышна!
Да корнынам умбакыже
Пырля ме шуйышна!
Да корнынам умбакыже
Пырля ме шуйышнаааааааааа!

MariUver

Мурын мутшым 2020 ий 24 июль 1530 (1596) № “Кугарня” газет гыч налме
аудиофайлым – hotplayer.ru лаштык гыч
фотом – “Марий сем” йӱд клубын YouTube-шо гыч