Таче ага тылзын 8-ше кечынже уло тӱня Кокымшо тӱнямбал сар пытымым палемда. Таче — Шарнымаш да сӧрасымаш кече. Эрла Россий да южо моло эл — Сеҥымаш кечым пайремлат. Нине кечыла вашеш мемнан Тартушто (Эстоний) пӱртӱсат помыжалтын, ужаргаш, пеледаш тӱҥалын. Айста тиде шучко сӧеш вуйыштым пыштыше-влакым порын шарналтена… Тек нигунам тӱняште тетла нимогай война ок лий!
Тыланем тачысе тиде лӱдыкшӧ коронавирус пагытым илен лекташ да таза лийын кодаш. Тек илышнат, пӱртӱс семынак, одарланен пеледеш, вуй ӱмбалнына эре яндар канде кава лиеш.
MariUver