Пагалыме Марий Айдеме
У ий дене! У пиал дене!
«Марий ушем» («Союз мари») мер организаций лӱм дене Тендам У ий пайрем дене шокшын саламлена!
Тыланена пеҥгыде тазалыкым, эреак ончыко да сеҥымашке кайыме нӧлталтше кумылым, марий йылмына да марий калыкна верч чот шогаш ямде кӧргӧ вийым.
Тек тиде серышна «Увер серыш» семын чоҥештен мия.
Кӧ 2018 ийым иктешлыме «Марий ушемын» тӱшка погынымаштыже лийын огыл гын, Тыланда увертарена:
— 2018 ийым ме сай паша лектыш дене мучашке шуктенна;
— 2019 ийлан паша планышкына марий калыкын наследийжым аралыме да вияҥдыме, кугезына-влакым шарныме да нунын сеҥымашыштым ончыклык тукымлан пуымо йодыш-влакым пуртенна. «100 ийлан — 100 чапле паша!» — девизна.
— Калык коклаште лияш да пашам ышташ палемденна.
Чыла тидлан Тендан полышда моткочак шерге лиеш. Сандене чыландамат «Марий ушем» дене чак лияш ӱжына.
Кӧ «Марий ушемыш» пурен огыл гын — марий улмынам арален кодаш манын — тек У ийыште мемнан ушемыш пура! Тиде амал дене мемнан дек электрон серыш-йодмашым воза.
Кӧ — «Марий ушемын» членже — мемнан сомыл деч торлен гын, угыч марий сомылышко кугу кумылын ушна.
Кӧ 2018 да 2019 ийлан надырым (членский взносым) тӱлен шуктен огыл гын, «Марий ушемын» Сбербанк картшын
(Visa) у номерже — 4276 3700 1044 4566. Ик ийлан — 500 теҥге.
Тендан надырда — 2019 ийысе паша планым шукташ чоткыдо негыз. Окса дене полшаш чыла марий еҥ ушнен кертеш.
Пеҥгыде вашкыллан ӱшанен кодына.
Ешарыме файл-влак:
1. Саламлымаш серыш jpg-файл семын.
2. Кузе «Марий ушемыш» пураш. Умылтарымаш серыш (jpg).
3. «Марий ушемыш» пурымо йодмаш да анкете (jpg).
4. «Марий ушемын» уставше (pdf).
5. «Марий ушемын» уставше, «спуск полос» (pdf).
6. Брошюр семын ышташ ком (обложко, pdf).
7. «Марий ушемын» флагше (jpg).
Сай да поро тыланымаш дене
«Марий ушем» («Союз мари») вуйверын вуйлатышыже
Владимир Козлов